کراچی: پاکستان کی قومی ایئر لائن کی خوبرو خاتون پائلٹ کی تصاویر نے سوشل میڈیا پرہلچل مچادی ہے‘ لوگ ایک جانب ان کی خوبصورتی کی تعریف کررہے ہیں وہیں جہاز میں تصاویر لینے کے عمل کوتنقید کا نشانہ بھی بنارہے ہیں۔
سوشل میڈیا ابلاغ کا انتہائی تیز ترین ذریعہ ہے اور یہاں کوئی بھی شخص راتوں رات شہرت کی بلندیوں پر پہنچ سکتا ہے جس کی واضح مثال گزشتہ دنوں سوشل میڈیا سے شہرت اور کامیابی کی بلندیاں حاصل کرنے والے ارشد خان المعروف چائے والا ہیں‘ جو کہ کچھ ہی دنوں میں اسلام آباد کے ایک ڈھابے سے اٹھ کر گلیمر کی دنیا میں پہنچ گئے۔
اب پاکستان کے سوشل میڈیا صارفین ایک اورخاتون کی تصویر پر اپنے تاثرات کا اظہار کررہے ہیں جن کا نام ہما لیاقت ہے اور وہ پاکستان کی قومی ایئرلائن پی آئی اے میں فرسٹ آفیسریعنی اسسٹنٹ پائلٹ کے فرائض انجام دیتی ہیں۔
چائے والا کے بعد رکشہ والا بھی میدان میں
سوشل میڈیا پر ان کی تصاویر وائرل ہوگئی ہیں اور جہاں ایک جانب لوگ ان کی خوبصورتی اور باوقار شخصیت کو سراہ رہے ہیں وہیں کچھ لوگ جہاز میں تصاویر لینے پر انہیں تنقید کا نشانہ بھی بنا رہے ہیں۔
ہما پی آئی اے کی ایئربس 320 پر فرسٹ آفیسر کے فرائض انجام دیتی ہیں۔ا ن کے شوہر امریکہ میں مقیم ہیں جبکہ وہ خود اپنی پیشہ ورانہ مصروفیات کے سبب کراچی کے پالپا ہاؤس میں مقیم ہیں۔ ان کے کولیگز کے مطابق خوبصوررت ہونے کے ساتھ ساتھ وہ ایک ذہین خاتون بھی ہیں۔
ذرائع کا کہنا ہے کہ جس فلائٹ میں تصاویر لی گئی ہیں اس وقت جہاز گراؤنڈ پر موجود تھا اور اس قسم کی تصاویر لینے میں کسی قسم کا کوئی خطرہ نہیں تھا۔ یہ بھی کہا جارہا ہے کہ یہ مذکورہ اسسٹنٹ پائلٹ کی پہلی پرواز تھی۔
