واشنگٹن : امریکی صدرڈونلڈ ٹرمپ اورآسٹریلوی وزیرِاعظم میلکم ٹرن بال کےدرمیان فون کال پرپناہ گزینوں سے متعلق ہونے والی گفتگوکو ٹرمپ نے بدترین کال کہاہے۔
تفصیلات کےمطابق ڈونلڈ ٹرمپ نےآسٹریلوی وزیرِاعظم میلکم ٹرن بال کی فون کال کو ان کی عالمی رہنماؤں سے ہونے والی اب تک کی بدترین بات چیت قرار دیا ہے اور انہوں نے کال وقت سے پہلے ختم کر دی۔
امریکی صدر ڈونلڈ ٹرمپ نے سماجی رابطے کی ویب سائٹ پر اپنے پیغام میں کہا کہ وہ اس بےوقوفانہ معاہدےکا جائزہ لیں گے۔
Do you believe it? The Obama Administration agreed to take thousands of illegal immigrants from Australia. Why? I will study this dumb deal!
— Donald J. Trump (@realDonaldTrump) February 2, 2017
سابق امریکی صدر براک اوباما اور آسٹریلیا کے درمیان یہ معاہدہ ہواتھا،اس معاہدے کے تحت امریکہ آسٹریلیا سے پناہ کے 1250 درخواست گزاروں کو امریکہ میں آباد کرے گا۔
آسٹریلیا نے متنازع طور پر ان پناہ گزینوں کو قبول کرنے سے انکار کر دیا تھا، اور انہیں ناؤرو اور پاپوا نیو گنی میں مختلف کیمپوں میں رکھا گیا ہے۔ جن میں سےاکثریت کا تعلق ایران، عراق اور افغانستان سے ہے۔
وزیرِ اعظم ٹرن بال نے فون کر کے صدر ٹرمپ سے وضاحت طلب کی تھی کہ ان کے گذشتہ ہفتے کے انتظامی حکم نامے کے بعد اس معاہدے کا مستقبل کیا ہو گا۔اس حکم نامے کے ذریعے سات اسلامی ملکوں سے امریکہ آنے والوں پر پابندی لگا دی گئی تھی۔
واضح رہےکہ امریکی اخبار کےمطابق ٹرمپ اور ٹرن بال کے درمیان فون کال ایک گھنٹہ جاری رہنا تھی لیکن ٹرمپ نے اسے 25 منٹ کے بعد ہی کاٹ دیاتھا۔
