راولپنڈی: سول سوسائٹی کے وفد نے پاک فوج کے لاہور گیریژن کا دورہ کیا اور افسران و جوانوں کے عزم اور پیشہ ورانہ صلاحیتوں کو سراہا۔
پاک فوج کے شعبہ تعلقات عامہ (آئی ایس پی آر) کے مطابق سول سوسائٹی کے ایک وفد نے آج لاہور گیریژن کا دورہ کیا جہاں کور کمانڈر لیفٹیننٹ جنرل صادق علی نے ان کا استقبال کیا۔
آئی ایس پی آر کے مطابق سول سوسائٹی کے وفد نے فوجیوں کے ساتھ تمام دن گزارا اور یادگار شہداء پر پھول چڑھائے جب کہ وفد نے گنڈا سنگھ بارڈر پر پرچم اتارنےکی تقریب بھی دیکھی۔
- Advertisement -
اس موقع پر سول سوسائٹی کے وفد کی کور کمانڈر لیفٹیننٹ جنرل صادق علی سے ملاقات ہوئی جس کے دوران وفد نے افسروں، جوانوں کے عزم اور پیشہ ورانہ صلاحیتوں کوسراہا۔