کراچی : سال 2017 کا پہلا چاند گرہن ختم ہوگیا، چاند گرہن صبح 03:43 منٹ پر شروع ہوا اور 07:53 منٹ تک جاری رہا۔
تفصیلات کے مطابق سال رواں کے پہلے چاند گرہن کا عمل رات تین بج کر تینتالیس منٹ پر شروع ہوا۔ جو صبح پانچ بجکر چوالیس منٹ پر اپنے عروج تھا، چاند گرہن صبح سات بجکر تریپن منٹ پر اختتام پذیر ہوا۔
پاکستان سمیت امریکہ یورپ، افریقہ اور ایشیا میں چاند کے غروب ہونے کے وقت قدرت کے اس شاہکار عمل کا نظارہ کیا گیا۔
یاد رہے کہ چاند گرہن اس وقت وقوع پذیر ہوتا ہے جب زمین گردش کے دوران چاند اور سورج کے درمیان آجائے، اس وقت زمین کا سایہ چاند پر پڑتا ہے اور چاند تاریک ہوجاتا ہے۔
خیال رہے کہ رواں سال دو چاند گرہن اور دو سورج گرہن متوقع ہیں، دوسراچاند گرہن 7 اور8 اگست کی درمیانی شب ہوگا جبکہ پہلا سورج گرہن 26 فروری اور دوسرا جبکہ دوسرا سورج گرہن 21 اگست کو ہوگا۔
