نئی دہلی: بھارتی ریاست تلنگانہ کے وزیر اعلیٰ چندر شیکھر راؤ نے منت مانگنے اور اسے پورا کرنے کےلیے مندر تروپتی میں کروڑوں روپے کا سونا بھگوان کی نذر کردیا۔
بھارتی میڈیا کے مطابق بھارتی ریاست کے وزیر اعلیٰ نے اپنی منت پوری کرنے کے لیے مشہور مندر تروپی نے 5 کروڑ سے زائد رقم کا سونا بطور عطیہ کیا اور اپنی منت پوری ہونے کے لیے خصوصی عبادت بھی کی۔
اس موقع پر چندر شیکھرا اپنے اہل خانہ اور کابینہ اراکین کے ہمراہ مندر پہنچے اور پوجا پاٹ کے بعد سونے کے زیورات کو دان کیا، مندر پر عطیہ کیے جانے والے سونے کے زیورات کا وزن 19 کلو گرام ہے۔
بھارتی میڈیا کے مطابق یہ مندر 2 ہزار سال پرانا ہے اور یہ اب تک چڑھایا جانے والا سب سے زیادہ عطیہ ہے تاہم اس مندر کو سب سے زیادہ پیسوں والا مندر کہا جاتا ہے جہاں عقیدت مند سالانہ اربوں روپے عطیہ کرتے ہیں۔
‘‘پڑھیں: ’’افلاس زدہ بھارت میں شادی پر 5 ارب روپے خرچ
دوسری جانب وزیراعلیٰ کی جانب سے دیے جانے والے عطیے پر عوام نے غم و غصے کا اظہار کیا ہے کیونکہ بھارت میں غربت کے باعث کئی گھرانے فاقہ کشی پر مجبور ہیں۔
ریاست تلنگانہ کے عوام کا کہنا ہے کہ وزیراعلیٰ نے عوامی ٹیکس کے پیسوں سے کروڑوں روپے کا عطیہ کیا اگر انہیں اپنی منت پوری کروانی ہے تو اپنی جیب سے سونا خرید کر رقم عطیہ کریں۔
