اسلام آباد : پیپلزپارٹی کے رہنما اور سابق صوبائی وزیر شرجیل میمن کی حفاظتی ضمانت اسلام آباد ہائی کورٹ نے منظور کرلی۔
تفصیلات کےمطابق پیپلزپارٹی کے رہنمااور سابق صوبائی وزیرشرجیل میمن آج اسلام آباد ہائی کورٹ میں پیش ہوئے جہاں عدالت نے20لاکھ روپےکےضمانتی مچلکوں کےعوض ان کی حفاظتی ضمانت کی درخواست منظورکی۔
عدالت کا شرجیل میمن کو20لاکھ روپے کے مچلکے جمع کرانے کاحکم جبکہ ان کی حفاظتی ضمانت 2ہفتے کےلیے منظور کی گئی ہے۔
اسلام آباد ہائی کورٹ کےباہر میڈیا سے گفتگوکرتے ہوئے شرجیل میمن کا کہناتھاکہ عدالت کا شکر گزار ہوں جس نے مجھے انصاف فراہم کیا۔
پیپلزپارٹی کےرہنما نےکہاکہ میرے لیے بہت آسان تھا کہ میں بیرون ملک بیٹھا رہتا۔انہوں نےکہاکہ ان مقدمات کے پیچھے چوہدری نثار اینڈ کمپنی کام کررہی ہے۔
شرجیل میمن کا کہناتھاکہ ریفرنس دو سال پہلے نہیں بنا ،اکتوبر2016میں دائر کیاگیا۔ان کاکہناتھاکہ جب میں بیرون ملک گیاتومیرےخلاف کوئی ریفرنس نہیں تھا۔
مزید پڑھیں:سادہ لباس اہلکاروں نے مجھے گرفتار نہیں اغواء کیا، شرجیل میمن
یاد رہےکہ گزشتہ روز پیپلزپارٹی کے رہنماشرجیل میمن نےاسلام آباد میں پریس کانفرنس کرتےہوئے کہاتھاکہ طبیعت کی ناسازی کے باعث سابق وزیراعلیٰ سندھ کی اجازت کے بعد بیرونِ ملک روانہ ہواتھا،عدالتوں کاسامنا کرنے کے لیے ملک واپس آیا تومجھےائیرپورٹ سےاغوا کیاگیا۔
شرجیل میمن نے وفاقی حکومت پر تنقید کرتے ہوئےکہا تھاکہ وزیراعظم نوازشریف اور چوہدری نثار کی کل کی مہمان نوازی پر اُن کا مشکور ہوں۔
مزید پڑھیں:پیپلزپارٹی کےرہنماشرجیل میمن کی گرفتاری کےبعدرہائی
واضح رہےکہ ہفتے اور اتوار کی درمیانی شب پیپلز پارٹی کےرہنما شرجیل میمن کو وطن واپس پہنچنے پر نیب نےاسلام آباد ایئرپورٹ پر حراست میں لےلیاتھاتاہم ضمانتی دستاویزات کی جانچ پڑتال کے بعد انہیں رہاکردیاگیاتھا۔
