نیویارک: سام سنگ موبائل فون کمپنی نے نئے فیچر سے آراستہ قیمتی موبائل فون تیار کر لیا ہے جو جلد مارکیٹ میں ’’ ایس 8‘‘ کے نام سے دستیاب ہوگا۔
تفصیلات کے مطابق موبائل فون کی معروف کمپنی سام سنگ کے اسمارٹ فون کی ایس سیریز میں جدت اور مہارت کے نئے انداز کے ساتھ ایک اور موبائل ’’اسمارٹ ون ایس 8‘‘ کا اضافہ ہو رہا ہے جو نئے فیچر، عام فہم اور خوبصورت ڈیزائن و رنگ سے مزین ہوگا اور اگلے ماہ مارکیٹ میں دستیاب ہو گا۔
سام سنگ موبائل کمپنی کے ترجمان کا کہنا ہے کہ ایس 8 کا انٹرنیٹ سسٹم دیگر فونز کی بہ نسبت بہت معیاری اور تیز رفتار ہوگا جب کہ پچھلے فونز کے برعکس ایس 8 سلور، بلیک اور گرے رنگ میں دستیاب ہوگا جو صارفین کو اپنی جانب متوجہ کرنے میں کامیاب ہوجائے گا۔
یاد رہے قبل ازیں سام سنگ اسمارٹ فونز بلیک اور گولڈن کلر میں آئے ہیں تاہم اب سام سنگ ایس 8 کے ذریعے ایک منفرد رنگوں سے مزین اہم ڈیوائس کو متعارف کروارہا ہے۔
Samsung Galaxy S8 and S8 Plus (top to bottom) in black sky, orchid grey and arctic silver (left to right) pic.twitter.com/ISo7W10sYV
— Evan Blass (@evleaks) March 19, 2017
اپنے منفرد فیچرز، ساخت اور پائیداری کے باعث خدشہ ظاہر کیا جا رہا ہے کہ یہ فون قدرے مہنگا ہوگا جس کے حوالے سے کئی قیاس آرائیاں گردش میں ہیں جس کی تقریب رونمائی رواں ماہ 29 کو تقریب رونمائی ہوگی اور اس کے بعد 21 اپریل کو یہ مارکیٹ میں آجائے گا۔
S8 – 799€
S8+ – 899€
DeX – 150€
GearVR – 129€
Gear360 – 229€ https://t.co/vVm6DRMkX5
— Evan Blass (@evleaks) March 19, 2017
یاد رہے گذشتہ سال جنوبی کوریا کی خبررساں ایجنسی نے کمپنی کے حکام کے حوالے سے یہ خبر دی تھی کہ کمپنی نے عارضی طور پر نوٹ سیون اسمارٹ فون بنانا بند کر دیا ہے۔
پروڈکشن بند کرنے کا یہ فیصلہ نوٹ سیون میں بیٹری فالٹ کے باعث آگ لگنے کی وجہ سے کیا گیا ہے، کمپنی کے مطابق فون کی پروڈکشن فالٹ دور کر دیئے جانے تک روکی گئی ہے، فالٹ دور کرنے کے بعد پروڈکشن دوبارہ شروع کی جائے گی۔