کراچی: ویزا توسیع کرپشن کیس کی تحقیقات میں پیش رفت سامنے آئی ہیں، کرپشن میں ملوث ہونے پر وزارت داخلہ کے ملازم کو گرفتار کرلیا گیا۔
تفصیلات کے مطابق ویزا توسیع کرپشن کی تحقیقات وزیر داخلہ چوہدری نثار کی ہدایت پر شروع کی گئیں جس میں بڑی پیش رفت سامنے آئی ہے۔
اطلاعات ہیں کہ اس کیس میں وزارت داخلہ کے ایک ملازم کو گرفتار کرلیا گیا، ملازم کو کراچی پاسپورٹ آفس کے گرفتار شدہ اہلکار کی نشاندہی پر پکڑا گیا۔
بتایا جارہا ہے کہ وزارت داخلہ میں تعینات یہ ملازم محمد ساجد کراچی پاسپورٹ آفس سے ملی بھگت اور بے ضابطگیوں میں ملوث تھا اور یہ ملزم توسیع کے جعلی دستاویزات تیار کراتا تھا۔
