لاہور : ایف آئی اے نے لڑکیوں کی ویڈیوز بنا کر انہیں بلیک میل کرنے والے 2 ملزمان کو لاہور سے گرفتار کرلیا، ملزمان ویڈیوز بنا کر افغانستان بھی بھیجتے تھے۔

تفصیلات کے مطابق وفاقی تحقیقاتی ادارے ایف آئی اے نے کامیاب کارروائی کرتے ہوئے لڑکیوں کو بلیک میل کرکے ان سے رقم ہتھیانے والے دو ملزمان کو حراست میں لے لیا ہے۔

دونوں ملزمان خرم اور جنید کو ایف آئی اے کے سائبر کرائم یونٹ نے گرفتار کیا، ملزمان لڑکیوں کی ویڈیوز بناکر ان کے والدین کو وہ ویڈیوز دکھا کر رقم کا مطالبہ کرتے تھے اور ویڈیوزافغانستان بھی بھجواتے تھے۔

ملزمان کے قبضے سے ان کے موبائل فونز اوراس میں محفوظ وہ تمام متنازعہ ویڈیوز بھی برآمد کرلی گئیں ہیں۔ ایف آئی اے ذرائع کے مطابق گرفتار ہونے والا ملزم جیند اے سی ایس کررہا ہے جبکہ دوسرا ملزم خرم سافٹ ویئرانجینئر ہے۔

ایف آئی اے نے دونوں ملزمان کیخلاف مقدمہ درج کر کے تحقیقات کا آغاز کر دیا ہے، مزید انکشافات متوقع ہیں۔