کراچی: صوبہ سندھ کے دارالحکومت کراچی میں رینجرز نے کارروائی کرتے ہوئے باغ کورنگی قبرستان میں زیر زمین چھپایا گیا اسلحہ برآمد کرلیا۔ برآمد شدہ اسلحے میں ایس ایم جی، ایل ایم جی اور رائفلز شامل ہیں۔
تفصیلات کے مطابق کراچی میں رینجرز نے باغ کورنگی قبرستان میں کارروائی کی۔ ترجمان رینجرز کے مطابق کارروائی سیاسی جماعت کے گرفتار ملزم کی نشاندہی پر کی گئی۔
ترجمان رینجرز کا کہنا ہے کہ قبرستان میں اسلحہ زیر زمین چھپایا گیا تھا۔ برآمد شدہ اسلحے میں ایس ایم جی، ایل ایم جی اور رائفلز شامل ہیں۔
چند روز قبل بھی رینجرز نے فیڈرل بی ایریا گلبرگ کے علاقوں میں کارروائی کی جس کے دوران یاسین آباد کے قبرستان میں مدفون اسلحے کا بڑا ذخیرہ برآمد کرلیا گیا۔
مزید پڑھیں: یاسین آباد قبرستان سے بھاری اسلحہ برآمد
رینجرز ذرائع کے مطابق مذکورہ اسلحے کی کھیپ ایم کیو ایم لندن کی تھی۔ اسلحے میں ایل ایم جی، ایس ایم جی، 30 بور رپیٹر، نائن ایم ایم اور 32 بور کے پستول شامل ہیں۔
