اسلام آباد : وزیر اعظم نواز شریف علیل ہوگئے ، انھیں پیٹ میں درد کے باعث اسپتال منتقل کیا گیا۔

تفصلات کے مطابق پانامہ معاملہ، سیاسی دباؤ یا کچھ اور وزیراعظم نوازشریف ایک بار پھر علیل ہوگئے، اس بار وزیراعظم دل کی تکلیف کہ باعث نہیں بلکہ پیٹ میں درد نے انھیں اسپتال پہنچا دیا۔

اسپتال ذرائع کے مطابق وزیراعظم کی دو روز سے طبعیت ناساز تھی، جس پر ان کو گلبرک نجی اسپتال لایا گیا، جہاں ڈاکٹرز نے ایک گھنٹہ سے زائد ان کا طبی معائنہ اور مختلف ٹیسٹ سی ٹی سکین اور الٹرا ساونڈ کئے۔ ڈاکٹروں نے وزیراعظم کے تمام ٹیسٹ اور رپورٹس کواطمینان بخش قرار دیا۔

ذرائع کے مطابق رائے ونڈ میں واقع شریف میڈیکل سٹی میں وزیراعظم کا ایک بار پھر تفصیلی معائنہ کیاگیا۔یہاں بھی معالجین نےرپورٹس کواطمینان بخش قرار دیکر وزیراعظم کو آرام کا مشورہ دیا۔

مزید پڑھیں : وزیراعظم نوازشریف کی طبیعت ایک بارپھر ناساز

یاد رہے کہ گذشتہ سال مئی میں دل کی بیماریوں کے باعث وزیراعظم نواز شریف کی اوپن ہارٹ سرجری کی گئی تھی اور ر اڑتالیس دن لندن میں زیرعلاج رہنے کے بعد 9 دن قبل وطن واپس آئے تھے۔