اسلام آباد : مشیرخارجہ سرتاج عزیز نےمقبوضہ کشمیر میں بھارتی فوج کے ہاتھوں آٹھ کشمیری نوجوانوں کےقتل کی شدید مذمت کی ہے۔
تفصیلات کےمطابق مشیرخارجہ سرتاج عزیز نےمقبوضہ کشمیر میں بھارتی فوج کے ہاتھوں آٹھ کشمیری نوجوانوں کےقتل کی شدید مذمت کرتے ہوئےعالمی برادری پر زوردیا کہ وہ بےگناہ کشمیریوں کا قتلِ عام فوری طورپربند کرائے۔
سرتاج عزیز نے اپنے بیان میں کہاکہ اقوام متحدہ کی زیر نگرانی کشمیریوں کی خواہشات کے مطابق شفاف ، آزادانہ اور منصفانہ استصواب رائے کرانے کےلیے بھارت پر دباؤ ڈالے۔
مشیر خارجہ کا کہناہےکہ بھارت مقبوضہ کشمیر کے عوام کی زندگی کی پرواہ کیے بغیر ان کے بنیادی انسانی حقوق دینے سے مسلسل انکار کرتارہا ہے۔
انہوں نے کہا کہ بھارتی فوج کی طرف سے وادی میں جاری جارحیت اوروحشیانہ مظالم انسانیت کے خلاف سنگین جرائم ہیں۔
سرتاج عزیزنے کہا کہ بھارت کی ریاستی دہشت گردی اور ظلم و ستم کے باوجود کشمیریوں کے پختہ عزم نے بھارت کو یہ واضح پیغام دیا ہے کہ وہ اپنے حق خودارادیت کے حصول تک اپنے موقف پر ثابت قدم رہیں گے۔
مقبوضہ کشمیر میں بھارتی فوج کی فائرنگ‘وادی میں ہڑتال
واضح رہےکہ مقبوضہ کشمیر میں ضلع بڈگام میں بھارتی فورسز کے ہاتھوں آٹھ نوجوانوں کے قتل عام کےخلاف آج ہڑتال کی جارہی ہے۔
