گرمی میں اضافہ ہوتے ہی واپڈا کو بجلی کے نرخوں میں اضافہ کرنے کا بھی خیال آگیا۔ قیمتوں میں اضافے کی درخواست نیپرا کو ارسال کردی گئی۔
تفصیلات کےمطابق واٹر اینڈ پاور ڈویلپمنٹ اتھارٹی واپڈا نے پن بجلی کے نرخوں میں اضافے کی درخواست نیپرا کو دے دی۔
درخواست کے مطابق پن بجلی کے نرخوں میں 1 روپیہ 73 پیسے تک اضافے کی اجازت طلب کی گئی ہے۔ درخواست میں کہا گیا ہے کہ پن بجلی کے نرخ 1 روپیہ 88 پیسے سے بڑھا کر 3 روپے 61 پیسے فی یونٹ کیے جائیں۔
مزید پڑھیں: کراچی میں 10 گھنٹے تک بجلی بند
واپڈا نے یہ اضافہ کرنے کی اجازت آئندہ مالی سال کے لیے طلب کی ہے۔ واپڈا کا کہنا ہے کہ آئندہ مالی سال میں واپڈا نے صوبوں اور ارسا کو 33 ارب سے زائد کی ادائیگی کرنی ہے۔
نیپرا نے واپڈا کی درخواست پر 14 دن میں رائے طلب کرلی۔
