گیانا : ویسٹ انڈیز اور پاکستان کے درمیان کھیلے جانے والے تیسرے ایک روزہ میچ کے لیے ویسٹ انڈیز نے ٹاس جیت کر بیٹنگ کا فیصلہ کیا ہے۔
تفصیلات کے مطابق تین میچوں کی ایک روزہ سیریز کا آخری اور فیصلہ کن میچ آج گیانا میں کھیلا جا رہا ہے جس کے لیے ویسٹ انڈیز نے ٹاس جیت کرپہلے بیٹنگ کا فیصلہ کیا ہے۔
دونوں ٹیمیں سیریز اپنے نام کر نے کے لیے پر عزم ہیں جب کہ قومی ٹیم کے کپتان سرفراز احمد سیریز جیتنے کے لیے پر امید نظر آتے ہیں وہ پہلی مرتبہ ایک روزہ میچوں کی سربراہی کر رہے ہیں اس سے قبل وہ ٹی ٹوئنٹی ٹیم کی کپتانی کرتے رہے ہیں۔
پاکستانی ٹیم احمد شہزاد، کامران اکمل، بابر اعظم، محمد حفیظ، شعیب ملک، سرفراز احمد، عماد وسیم، شاداب خان، محمد عامر، حسن علی اور جنید خان پر مشتمل ہے۔
جب کہ ویسٹ انڈین ٹیم لیوز، والٹن، ہوپ، پاؤل، کارٹر، جیسن محمد، ہولڈر، اے آر نرز، ڈی بشو، پیراماول، گیبریئل مشتمل ہے۔
خیال رہے کہ یہ میچ دونوں ٹیموں کے لیے انتہائی اہمیت کا حامل ہے کیونکہ آج کی فاتح ٹیم ورلڈ کپ کے لیے براہ راست کوالیفائی کر جائے گی جب کہ شکست خوردہ ٹیم کوالیفائر راؤنڈ کھیلنا پڑے گا۔
