کراچی: وزیراعلیٰ سندھ نے سوئی سدرن گیس کمپنی کو وارننگ دیتے ہوئے کہا ہے کہ اگر مطلوبہ مقدار میں گیس نہیں ملی تو سندھ سے جانے والی گیس سپلائی بند کردیں گے۔
تفصیلات کے مطابق وزیر اعلیٰ سندھ مراد علی شاہ نے آج سندھ کے صوبائی ایوان میں خطاب کرتے ہوئے وفاقی حکومت اور سوئی سدرن گیس کمپنی کو تنبیہہ کی ہے کہ اگراس ہفتے کے اختتام تک گیس کی مطلوبہ مقدار کی فراہمی شروع نہ کی گئی تو کمپنی کو ٹیک اوور کرلیں گے۔
وزیراعلیٰ سندھ کا کہنا تھا کہ گیس نہ دی گئی تو پورے ایوان سے مدد مانگوں گا‘ سندھ سے نکلنے والی گیس پر پہلا حق اس صوبے کا ہے۔
- Advertisement -
ان کا کہنا تھا کہ سوئی سدرن گیس کمپنی ہمیں پلانٹ کے لیے گیس فراہم نہیں کررہی ہے اگر مطالبات تسلیم نہیں کیے گئے تو گیس کمپنی کے دفتر جائیں گے اور کام نہیں چلنے دیں گے۔
