واشنگٹن:شام میں اتحادی فورسز کی فضائی کارروائی میں 18اتحادی جنگجوہلاک ہوگئے۔
تفصیلات کےمطابق امریکی سینٹرل کمانڈ کاکہناہےکہ ایس ڈی ایف نے اتحادی طیاروں کے پائلٹس کو غلط اطلاع دی جس کے نتیجے میں شامی ڈیموکریٹک فورسز کے اہلکار نشانہ بنے۔
شام میں حملے کےبعد امریکی اتحادی افواج نے بیان میں کہا کہ طبقا میں داعش کے خلاف بمباری کے لیے اتحادیوں نے درخواست کی جبکہ ہدف شامی ڈیفنس فورسز کی یونٹ سے آگے کچھ دوری پر تھا تاہم غیر ارادی طور پر شامی ڈیفنس فورسز نشانہ بن گئے۔
امریکی اتحادی افواج نے اپنے ایک بیان میں متاثرہ افراد کے اہلخانہ سے اظہار یکجہتی کرتےہوئے کہا کہ حادثے کی وجوہات جاننےاورمستقبل میں ایسے واقعات کی روک تھام کے لیے محفوظ اقدامات کیے جائیں گے۔
خیال رہےکہ ایک ماہ کےدوران یہ تیسرا امریکی حملہ تھاجس میں اتحادی اور شہریوں کی ہلاکت ہوئی۔
امریکی محکمہ دفاع پینٹاگون نےان حملوں کو افسوسناک قراردے دیا اورتحقیقات شروع کردی ہے۔
امریکہ کی شام میں بمباری،80فوجی جاں بحق
یاد رہےکہ گزشتہ سال 18ستمبرکو شام کے مشرقی علاقے میں واقع ایئر بیس پر امریکی اتحادی طیاروں کے فضائی حملوں میں 80 سے زائد شامی حکومتی فوجی جاں
بحق اور متعدد زخمی ہوگئےتھے۔
شامی فوج پرفضائی حملہ غلط فہمی کی وجہ سےہوا،امریکہ
بعدازاں امریکہ کاکہنا تھاکہ شام میں دولت اسلامیہ کے خلاف لڑنے والےشامی فوجیوں پرفضائی حملہ غلط فہمی کی وجہ سےہواتھا۔
موصل میں اتحادی طیاروں کی بمباری‘ 230افراد ہلاک
واضح رہےکہ گزشتہ ماہ عراق کےشہر موصل میں اتحادی طیاروں کی بمباری نتیجے میں 230افراد ہلاک جبکہ درجنوں افراد زخمی ہوگئےتھے۔
