اسلام آباد: انسداد منشیات کی عدالت نے ایفیڈین کوٹہ کیس میں سابق وزیراعظم کےبیٹےعلی موسیٰ گیلانی سمیت11ملزمان پرفردجرم عائد کردی۔
تفصیلات کے مطابق انسداد منشیات عدالت کی میں ایفیڈین کوٹہ کیس کی سماعت ہوئی ، سماعت کے دوران جج ارم نیازی نے سابق وزیراعظم یوسف رضاگیلانی کےبیٹ علی موسیٰ گیلانی،سابق وفاقی وزیرمخدوم شہاب الدین سمیت 11 ملزمان پر فرد جرم عائد کردی۔
جن ملزمان پر فرد جرم عائد کی گئی ان میں سیکرٹری صحت خوشنود لاشاری ، سابق ڈی جی ہیلتھ اسد حفیظ ، سابق ڈپٹی ڈرگ کنٹرولر عبدالستار شورانی ، ڈرگ کنٹرولر شیخ انصر ، انجم شاہ اور دیگر شامل ہیں۔
ملزمان کا عدالت کے فیصلے کو چیلنج کرنے کا فیصلہ
کیس میں نامزد ملزمان نے صحت جرم سے انکار کیا اور عدالت کے فیصلے کو چیلنج کرنے کا فیصلہ کیا ہے۔
عدالت عدالت نے گواہان کو طلب کرتے ہوئے کہا کہ آئندہ سماعت پر ملزمان کی درخواستوں پربحث کی جائے گی، بعد ازاں سماعت 12 مئی تک ملتوی کردی۔
واضح رہے کہ علی موسیٰ گیلانی سمیت 11 ملزمان پر الزام تھا کہ انہوں نے 9 ہزار500 کلو گرام ایفیڈرین جو کہ ادویات کی تیاری میں استعمال ہونی تھی کو مارکیٹ میں فروخت کردیا تھا، جس کی وجہ سے ادویات کی پیداوار میں قلت پیدا ہوگئی تھی۔
