کابل : افغانستان میں امریکی مدر آف آل بم حملے میں داعش جنگجوؤں کے ساتھ بھارتی شہریوں کے بھی ہلاک ہونے کا انکشاف ہوا ہے۔
تفصیلات کے مطابق امریکا کی جانب سے کابل میں داعش کے ٹھکانوں پر گرائے گئے دنیا کے سب سے بھاری نان نیوکلیئر بم کی زد میں آکر ہلاک ہونے والے داعش جنگجوؤں میں 12 سے 13 افراد بھارتی شہریت رکھتے ہیں۔
*امریکا نے افغانستان پر دنیا کا سب سے بڑا بم گرادیا
ذرائع کے مطابق امریکی بم دھماکے کے نتیجے میں افغانستان کی سرزمین پر بھارتی شہریوں کی ہلاکت نے کئی سوال اٹھا دیئے ہیں، یہ انکشاف مودی اشرف غنی گٹھ جوڑ کی جانب اشارہ کرتا ہے جس کے بارے میں کئی تجزیہ کاروں نے پہلے ہی نشاندہی کی تھی۔
*امریکا نے افغانستان میں نان نیوکلیئربم حملے کی ویڈیو جاری کردی
یاد رہے کہ افغانستان میں موجود دہشت گردوں کو بھارتی تعاون اور مدد کے حوالے سے پہلے ہی سوالات اٹھتے رہے ہیں اور بھارتی جاسوس کلبھوشن یادیو نے بھی اپنے اعترافی بیان میں افغانستان نیٹ ورک کا ذکر کیا تھا۔
*آخر یہ ایم او اے بی ہے کیا؟
واضح رہے کہ ترجمان وائٹ ہاؤس نے دھماکے کی تفصیلات بتاتے ہوئے کہا تھا کہ بم داعش کے خفیہ راستوں کو تباہ کرنے کے لیے گرایا گیا اور فائر کیا گیا بم 21 ہزار پاؤنڈ وزنی تھا جس کے نتیجے میں بڑی تعداد میں داعش جنگوؤں ہلاکتوں کا خدشہ ہے۔
یاد رہے کہ 15 اپریل کو افغانستان کے صوبے ننگرہار میں داعش کے غاروں کے کمپلیکس پر 21 ہزار پونڈ وزنی سب سے بڑا غیر جوہری بم گرایا تھا، ننگرہار بم حملےمیں ہلاکتوں کی تعداد 90 ہوگئی ہے۔
