واشنگٹن : ستاون سالہ امریکی خاتون خلا باز پیگی وائٹ سن نے امریکا کے شہری کی حیثیت سے زیادہ عرصے تک خلا میں رہنے کا اعزاز حاصل کرلیا،اس موقع پر صدر ڈونلڈ ٹرمپ نے پیگی وائٹ سن کو مبارکباد دی۔
خلا میں پانچ سو چونتیس سے زیادہ دن گزارنے والی امریکی خلاباز خاتون نے اسپیس اسٹیشم میں رہنے کا ریکارڈ بنا ڈالا، ناسا کے مطابق پیگی وائٹ نے 24 اپریل کو ایک بج کر 27 منٹ پر ریکارڈ بنایا اور اس وقت وہ خلا میں سب سے زیادہ عرصے تک رہنے والی پہلی امریکی خلا باز ہونے کے ساتھ ساتھ یہ کارنامہ سر انجام دینے والی دنیا کی پہلی خاتون بھی بن گئیں ہیں۔
It is one of those rides that you hope never ends. I am so grateful for all those who helped me on each of my missions! #LifeInSpace pic.twitter.com/msjKSg6WWH
— Peggy Whitson (@AstroPeggy) April 23, 2017
اس موقع پر صدر ڈونلڈ ٹرمپ اور ان کی بیٹی ایوانکا نے ڈاکٹر وائٹسن کو مبارکباد دینے کے لیے وڈیو چیٹ کی، ڈونلڈ ٹرمپ نے کہا یہ ایک ناقابل یقین ریکارڈ ہے جو آپ نے توڑا ہے اور اپنے ملک اور دنیا کی جانب سے میں آپ کو مبارکباد پیش کرتے ہیں۔
ڈاکٹر وائٹسن نے امریکی صدر کا شکریہ ادا کرتے ہوئے کہا کہ ریکارڈ کو توڑنا میرے لیے بہت اعزاز کی بات ہے۔
اس سے پہلے پیگی وائٹ نے خلا میں سب سے زیادہ چہل قدمی کرنے کا ریکارڈ بنایا تھا جبکہ ان کو بین الاقوامی سپیس سٹیشن کو دو بار کمانڈ کرنے کا اعزازبھی حاصل ہے۔
خیال رہے پیگی وائٹ سن سے پہلے امریکی خلا باز جیفری ولیمز نے خلا میں زیادہ دیر تک رہنے کا ریکارڈ بنایا تھا۔
پیگی وائٹ سن نے 1980 میں امریکی خلائی ادارے ناسا کے ساتھ کام کرنا شروع کیا، انہوں نے 2002 میں پہلا خلائی دورہ کیا اور ناسا کے متعدد منصوبوں میں اہم ذمہ داریاں سر انجام دے چکی ہیں۔
مزید پڑھیں : امریکی صدر ڈونلڈ ٹرمپ کے خلاف خلا میں احتجاج
یاد رہے کہ چند روز قبل پہلی بار خلاء میں امریکی صدر ٹرمپ کیخلاف احتجاج کیا گیا ، اب پہلی باران کے خلاف خلا میں بھی احتجاج کیا گیا، اس احتجاج کے بعد ڈونلڈ ٹرمپ دنیا کے پہلے صدر بن گئے ہیں، جن کے خلاف زمین کے علاوہ بھی کسی دوسری جگہ احتجاج کیا گیاتھا۔
آٹونومس اسپیس ایجنسی نیٹ ورک (اسان) نے صدر ڈونلڈ ٹرمپ کے خلاف خلا میں بھیجی گئی احتجاجی تختی کی تصویر اور ویڈیو جاری کی تھی۔
