نیروبی : کینیا میں تیز رفتار مسافر ٹریفک حادثے کا شکار ہو گئی جس کے نتیجے میں 27 افراد ہلاک ہو گئے ہیں جب کہ متعدد زخمی ہو گئے ہیں۔
تفصیلات کے مطابق کینیا کے علاقے نیروبی میں تیز رفتار مسافر بس سامنے ست آتے ہوئے آئل ٹینکر ٹکرا گئی جس کی وجہ سے 27 مسافر جاں بحق اور متعدد زخمی ہو گئے ہیں۔
تصادم اتنا شدید تھا کہ مسافر بس مکمل طور پر تباہ ہو گئی جب کہ بس میں 50 سے زائد مرد، خواتین اور بچے سوار تھے جن میں سے 27 افراد موق پر ہی ہلاک ہو گئے جب کہ متعدد زخمی ہو گئے ہیں۔
حادثے کی اطلاع ملتے ہی ریسکیو ادارے نے موقع پر پہنچ کر امدادی کاموں کا آغاز کردیا اور ہلاک و زخمی ہونے والے مسافروں کو قریبی اسپتال منتقل کردیا گیا ہے جہاں زخمیوں کو طبی امداد دی اج رہی ہے۔
کینیا کے صدر نے نیروبی میں ہونے والے افسوسناک حادثے پر گہرے دکھ اور افسوس کا اظہار کیا ہے اور حادثے کی وجوہات جاننے کے لئے تحقیقاتی کمیٹی تشکیل دے دی ہے۔
