اسلام آباد: ملک بھر میں زیر تربیت نرسوں کے نقاب اوڑھنے پر پابندی عائد کردی گئی ہے۔
تفصیلات کے مطابق نرسنگ اسکول وکالجز میں طالبات کے نقاب اوڑھنے پر پابندی لگا دی گئی، نرسنگ کونسل نے ملک بھر کےسرکاری اسپتالوں کوآگاہ کردیا ہے۔ پاکستان نرسنگ کونسل کی اکیڈمک کمیٹی نے پابندی کی سفارش کی تھی۔
مراسلے میں کہا گیا تھا کہ زیرتعلیم نرسز ٹیچنگ اسپتالوں میں بھی خدمات انجام دیتی ہیں، پابندی کی سفارش حفاظتی وسیکیورٹی وجوہات کی بنا پرکی گئی، دوران ڈیوٹی نرسز کے نقاب پہننے پر پابندی ہو گی۔
زیرتعلیم نرسز کے یونیفارم کا رنگ بھی تبدیل کرنے کا فیصلہ کیا گیا ہے، جس کیلئے پی این سی نے چاروں صوبوں سے تجاویز طلب کر لیں ، صوبے یونیفارم کے نئے رنگ سے متعلق تجاویز ارسال کریں۔
مزید پڑھیں : پنجاب کالجز میں طالبات کے لیے حجاب لازمی قرار دینے کی سفارش
پاکستان نرسنگ کونسل کے مراسلے کی کاپی اےآروائی نیوز نے حاصل کرلی ہے۔
رجسٹرار پاکستان نرسنگ کونسل فہیم عباس کے مطابق نئے یونیفارم اور حجاب پرپابندی کافیصلہ چاروں صوبائی ڈائریکٹرجنرل نرسنگ اور سیکرٹری نرسنگ فائونڈیشن کی تجاویز کی روشنی میں کیا جائے گا۔
زرائع کا کہنا ہے کہ نقاب پر پابندی کا فیصلہ غیر ملکی ڈونرز کو خوش کرنے کیلئے کیا گیا ہے۔
