اسلام آباد: ٹریفک پولیس کی جانب سے ایک شہری پر تشدد کیا گیا، شہری کو لاتوں اور گھونسوں سے مارا گیا،حکام نے فوٹیج کا نوٹس لے لیا۔

اطلاعات ہیں کہ یہ ویڈیو ایک راہ گیر کی جانب سے بنائی گئی ہے جسے خود بھی نہیں پتا تھا کہ شہری پر تشدد کیوں کیا گیا؟ بعدازاں یہ ویڈیو سوشل میڈیا پر وائرل ہوگئی اور میڈیا کو بھی موصول ہوئی۔

ویڈیو میں دیکھا جاسکتا ہے کہ تین اہل کاروں نے ایک شہری کو سڑک پر لٹایا ہوا ہے، قبل ازیں اسے کتنا مارا گیا یہ نہیں معلوم تاہم ویڈیو میں دیکھیں تو شہری کو اہلکار نے بھرپور لات کمر پر ماری۔

اس ضمن میں پولیس حکام نے کہا ہے کہ وہ تحقیقات کررہے ہیں کہ یہ شہری کون ہے جس پر تشدد کیا گیا جب کہ پولیس اہل کاروں کی شناخت کرلی گئی ہے، تاہم شہری نے کسی بھی تھانے میں تشدد کے خلا ف کوئی درخواست جمع نہیں کرائی۔

Comments