ریاض: امریکی صدر ڈونلڈ ٹرمپ نے کہا ہے کہ مجھے یہاں آکر اچھا لگ رہا ہے، سعودیہ میں قیام کے دوران دوپہر اور شام کی ملاقاتوں میں شرکت کا خواہش مند ہوں، منیلا نے کہا کہ خوبصورت خیر مقدم پر شکریہ ادا کیا۔
تفصیلات کے مطابق امریکی صدر ڈونلڈ ٹرمپ اور ان کی اہلیہ نے سعودی عرب کے دارالحکومت ریاض پہنچنے پر اپنے الگ ٹویٹر پیغامات جاری کیے، جن میں دونوں شخصیات نے سعودی عرب آمد پر خوشی کا اظہار کیا ہے جبکہ سعودی فرمانروا شاہ سلمان نے بھی اپنے ٹوئٹ کے ذریعے مہمانوں کا خیر مقدم کیا ہے۔
امریکی صدر نے سماجی رابطے کی ویب سائٹ پر ٹوئٹ کیا کہ ’’مجھے ریاض آکر اچھا لگ رہا ہے، میں دوپہر اور شام کی ملاقاتوں میں شرکت کا متمنی ہوں‘‘۔
Great to be in Riyadh, Saudi Arabia. Looking forward to the afternoon and evening ahead. #POTUSAbroad pic.twitter.com/JJOra0KfyR
— Donald J. Trump (@realDonaldTrump) May 20, 2017
ٹرمپ کی اہلیہ منیلا نے اپنے ٹوئٹ پیغام میں کہا کہ ’’سعودی عرب میں خوبصورت خیر مقدم کا بہت بہت شکریہ‘‘ْ
Thank you for a beautiful welcome to #Riyadh! #SaudiArabia pic.twitter.com/BcrMR0OYSK
— Melania Trump (@FLOTUS) May 20, 2017
بعد ازاں سعودی فرماں رواں شاہ سلمان نے ٹوئٹر پر پیغام جاری کیا جس میں انہوں نے امریکی صدر کو اجلاس میں شرکت کے لیے خوش آمدید کہا اور امید ظاہر کی کہ امریکی صدر کا دورہ دونوں ممالک خطے سمیت دنیا میں امن و استحکام کا باعث بنے گا۔
We welcome @POTUS Trump to KSA. Mr. President, your visit will strengthen our strategic cooperation, lead to global security and stability.
— سلمان بن عبدالعزيز (@KingSalman) May 20, 2017
یاد رہے امریکی صدر ڈونلڈ ٹرمپ اپنے پہلے غیرملکی دورے پر سعودی عرب پہنچے ہیں جہاں وہ تین مختلف اجلاسوں میں سعودی اور اسلامی دنیا کے رہنماؤں سے ملاقاتیں کریں گے اور اسلام کے حوالے سے خصوصی خطاب بھی کریں گے۔
