کشمور: پاکستان تحریک انصاف سندھ کے شہرکندھ کوٹ میں آج سیاسی قوت کا مظاہرہ کرے گی۔تحریک انصاف کےسربراہ عمران خان جلسے سے خطاب کریں گے۔
تفصیلات کےمطابق پاکستان تحریک انصاف کشمور کے ضلع کندھ کوٹ میں جلسے کا انعقاد کرےگی۔چیئرمین پی ٹی آئی عمران خان جلسے سے خطاب کریں گے۔
پی ٹی آئی ذرائع کا کہنا ہے کہ جلسے کےلیے سیکیورٹی کے سخت ترین انتظامات ہوں گے،جلسے کی تیاریاں جاری ہیں،پنڈال میں 20ہزار سے زائد کرسیاں لگادی ہیں،ساﺅنڈ سسٹم بھی پہنچا دیا گیا ہےجبکہ مرکزی اسٹیج کی تیاری بھی مکمل ہوچکی ہے۔
ذرائع کے مطابق جلسے کے دوران اندرون سندھ سے کئی اہم رہنماﺅں کا تحریک انصاف میں شمولیت کا امکان ہے۔
جلسےکے شرکاءسے خطاب کے دوران عمران خان پاناما کیس،وزیراعظم کا حالیہ دورہ سعودی عرب اور ڈان لیکس معاملےسمیت دیگر اہم ایشوز پربات کریں گے۔
جے آئی ٹی پراعتراض تلاشی دینے سے بچنے کا حربہ ہے، عمران خان
واضح رہےکہ گزشتہ روز پاکستان تحریک انصاف کے سربراہ عمران خان نے کہا تھا کہ حسین نواز کا جے آئی ٹی پراعتراض بلا جواز اور خود کو بچانے کی ناکام کوشش ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
