واشنگٹن: سماجی رابطوں کی ویب سائٹ ٹوئٹر پر نہایت فعال امریکی صدر ڈونلڈ ٹرمپ اپنی جلد بازی کے سبب ایک بار پھر سب کے مذاق کا نشانہ بن گئے۔ اپنے ٹوئٹ میں انہوں نے ایک لفظ کے غلط ہجے کردی۔
اپنے ٹوئٹ میں صدر ٹرمپ کا کہنا تھا کہ ’میڈیا کی مسلسل منفی کوریج کے باوجود‘ تاہم انہوں نے لفظ کوریج کو جلدی میں غلط ٹائپ کردیا جس کے بعد وہ کوو فی فی بن گیا۔
صدر ٹرمپ کا یہ غلط ٹوئٹ سامنے آنا تھا کہ ٹوئٹر پر طنز و مزاح کا سلسلہ شروع ہوگیا۔ بعض لوگوں نے اسے ٹرمپ کی جانب سے کوئی خفیہ پیغام سمجھا۔
ٹوئٹ سامنے آنے کے تھوڑی ہی دیر بعد ٹرمپ کا یہ غلط ہجے ٹوئٹر پر ٹاپ ٹرینڈ بن گیا۔
غلط لفظ کی اس مقبولیت کے بعد لندن کے ریجنٹ انگلش سینٹر کو بھی وضاحت کرنی پڑی کہ ’مذکورہ لفظ تاحال انگریزی زبان کا حصہ نہیں ہے‘۔
بعد ازاں صدر ٹرمپ نے ایک اور ٹوئٹ کیا جس میں انہوں نے ہلکے پھلکے انداز میں کہا، ’کون اس لفظ کے معنی تلاش کر سکتا ہے؟ انجوائے کریں‘۔
Who can figure out the true meaning of "covfefe” ??? Enjoy!
— Donald J. Trump (@realDonaldTrump) May 31, 2017
اسی روز سی این این کو دیے جانے والے ایک انٹرویو میں جب ٹرمپ کے مقابل سابق صدارتی امیدوار ہلیری کلنٹن سے اس کے بارے میں پوچھا گیا، تو انہوں نے ٹرمپ کا مذاق اڑاتے ہوئے کہا، ’میرے خیال میں یہ روس کے لیے کوئی خفیہ پیغام ہے‘۔
Hillary Clinton jokes that Donald Trump’s #covfefe tweet was a "hidden message to the Russians” https://t.co/31bSLlpw1W pic.twitter.com/Bz8ZpFBsdd
— CNN (@CNN) June 1, 2017
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
