اسلام آباد:عمران خان کا کہنا ہے کہ ڈرنے کی ضرورت نہیں‘ پوری قوم سپریم کورٹ اور جے آئی ٹی کے ساتھ کھڑی اور منتظر ہے کہ کسی طاقت ور چور اور ڈاکو کا بھی احتساب ہو‘ میاں صاحب بچوں کےسرپرہاتھ رکھ کرکہیں قطری خط فراڈ نہیں ہے۔
تفصیلات کےمطابق تحریکِ انصاف کے سربراہ نے صحافیوں سے گفتگو کرتے ہوئے کہا کہ کرپشن کامطلب ہے اقتدارمیں آکر اپنی ذات کوفائدہ پہنچانا،نوازشریف پرکرپشن ، منی لانڈرنگ ، ٹیکس چوری کے الزامات ہیں۔
ان کاکہنا تھا کہ پاکستان سے ہر سال 10ارب ڈالرز کی منی لانڈرنگ ہوتی ہے‘ منی لانڈرنگ کے باعث ہمیں قرض لینے پڑتے ہیں۔
انہوں نےیہ بھی کہاکہ ایک فیکٹری سے3 فیکٹریاں بنانا بھی کرپشن ہے‘ نوازشریف پرکرپشن ، منی لانڈرنگ ، ٹیکس چوری کے الزامات ہیں اوران کی جانب سے سوا سال سے طوطا مینا کی کہانی بیان کی جا رہی ہے۔ کیا نوازشریف کو مینڈیٹ منی لانڈرنگ کیلئے دیا گیا تھا۔
عمران خان نے یہ بھی کہا کہ ’مسلم لیگ ن کی طرف سے کہاجارہاہےفیصلہ خلاف آیاتوقوم نہیں مانےگی، میں جےآئی ٹی سے کہتا ہوں ڈرنے کی ضرورت نہیں۔
جےآئی ٹی نے عدالت میں کہا کہ رکاوٹیں کھڑی کی جارہی ہیں ۔وزیراعظم جےآئی ٹی کی تفتیش مکمل ہونے تک استعفیٰ دیں اور میاں صاحب بچوں کےسرپرہاتھ رکھ کرکہیں قطری خط فراڈ نہیں ۔کپتان نےمزید کہا کہ میاں صاحب نےایساکیاتومان جاؤں گاکہ قطری کاخط فراڈنہیں ہے۔
ایک سوال کے جواب میں تحریک ِ انصاف کے سربراہکاکہنا تھاکہ پارٹی میں سب کوخوش آمدیدکہتےہیں،پارٹی ٹکٹ میرٹ پردیاجائے‘جب سربراہ ٹھیک ہوتاہےتوادارےبھی ٹھیک ہوتےہیں۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
