نئی دلی : آئی سی سی چیمپئنز ٹرافی 2017 میں بھارت کوعبرت ناک شکست دینے والی پاکستان کرکٹ ٹیم کی فتح کا جشن منانے پرمودی سرکار نے مدھیا پردیش سے 15 نوجوانوں کو حراست میں لے لیا۔
تفصیلات کے مطابق مدھیا پردیش میں آئی سی سی چیمپئنزٹرافی 2017 کے فائنل میں پاکستان کی جیت کی خوشی میں بھارتی مسلمانوں ایک دوسرے کو مبارکبادیں دیں، بھنگڑے ڈالے اور مٹھائیاں تقسیم کیں۔
تاہم نفرت اور تعصب کی سیاست کرنے والی مودی سرکار کو عوام کی یہ خوشی اور ہم آہنگی ہضم نہیں ہوئی اور پاکستان کی فتح کا جشن منانے والوں کو گرفتار کرکے جیل میں قید کردیا گیا۔
بھارتی میڈیا کے مطابق پاکستان کے چیمپئن بننے کی خوشی میں مودی سرکار نے بھارت میں جشن منانے والوں کو گرفتار کرکے جیل میں قید کردیا گیا جہاں ان پرغداری کے مقدمے قائم کیے گئے۔
بھارتی میڈیا کا کہنا ہے کہ صرف مدھیا پردیش سے 15 افراد کی حراست اور غداری کا مقدمہ چلانے کی اطلاعات سامنے آئی ہیں جب کہ ملک کے دیگرحصوں سے بھی ایسی خبریں آرہی ہیں جو کہ افسوسناک ہیں۔