اسلام آباد: عالمی بینک کی جانب سے پاکستان کے لیے جاری کیے گئے فنڈز توقعات سے 37 فیصد کم رہی۔

تفصیلات کے مطابق عالمی بینک نے گزشتہ مالی سال میں 95 کروڑ 80 لاکھ ڈالر مختلف منصوبوں کے لیے منظور کیے تاہم جاری کیے گئے فنڈز کا حجم 57 کروڑ 20 لاکھ ڈالر رہا۔

اس رقم میں 30 کروڑ 20 لاکھ کا پالیسی لون بھی شامل ہے۔

عالمی بینک نے پاکستان کے پاور سیکٹر میں اصلاحات کے لیے 50 کروڑ ڈالر کا قرضہ دینے سے انکار کردیا ہے۔

اس کے علاوہ عالمی بینک نے پاکستان کی جانب سے مانگے گئے پالیسی قرضہ میں بھی 20 کروڑ ڈالر کی کمی کی ہے۔