سڈنی: آسٹریلیا کے نیشنل میوزیم میں اس وقت انتظامیہ اور عام افراد میں سراسیمگی پھیل گئی جب وہاں موجود ڈائنوسارز کے 3 مجسموں کے سر کٹے ہوئے پائے گئے۔
پولیس کا کہنا ہے کہ گزشتہ رات چند نقب زنوں نے میوزیم کے اندر گھسنے کی کوشش میں داخلی باڑھ کو کاٹ دیا، اس کے بعد نہایت صفائی سے ان مجسموں کا سر کاٹ کر اپنے ساتھ لے گئے۔
یہ مجسمے میوزیم کے مرکزی دروازے کے ساتھ داخلی حصے میں نصب تھے۔
- Advertisement -
انتظامیہ کے مطابق ڈائنوسارز کو اس بری حالت میں سب سے پہلے وہاں آنے والے بچوں نے دیکھا جس کے بعد وہ خوفزدہ ہوگئے۔ وہ اپنے والدین سے پوچھنے لگے کہ ان ڈائنوسارز کے ساتھ کیا ہوا ہے۔
پولیس کے مطابق اس میوزیم سے سنہ 2013 میں بھی ڈائنوسار کا ایک مجسمہ چوری ہوچکا ہے جو بعد ازاں قریب میں رہائش پذیر ایک شخص کے گھر سے برآمد ہوا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
