اسلام آباد: توانائی کے شعبے میں جاری گردشی قرضوں کی مد میں پاکستان اسٹیٹ آئل کو کی جانے والی ادائیگیوں کی رقم 288 ارب سے تجاوز کر گئیں۔

کمپنی اعداد و شمار کے مطابق صرف پاور سیکٹر کے واجبات کا حجم 256 ارب روپے ہوگیا ہے۔ پاکستان قومی ایئرلائن نے 15 ارب 60 کروڑ، سوئی سدرن نے 6 ارب 90 کروڑ ادا کرنے ہیں۔

جنریشن کمپنیوں نے پی ایس او کو 147 ارب روپے ادا کرنے ہیں۔ حکومت نے بھی پرائس ڈیفرنشل کی مد میں پی ایس او کو 9 ارب 60 کروڑ روپے ادا کرنے ہیں۔

کمپنی ذرائع کے مطابق اگر ادائیگیوں کی صورتحال بہتر نہ ہوئی تو کمپنی امور چلانا مشکل ہوجائے گا۔ پی ایس او کو خود بھی مختلف مد میں 12 ارب 17 کروڑ روپے کی ملکی اور غیر ملکی ادائیگیاں کرنی ہیں۔