کراچی / اسلام آباد / لاہور / کوئٹہ / پشاور : ملک بھر میں آزادی کے 70 سال مکمل ہونے پر جشن منانے کا سلسلہ شروع ہوگیا ہے، پاکستان کا جشن آزادی ملی جوش و جذبے اور شایانِ شان طریقے سے منایا جارہا ہے، ملک بھر میں سرکاری عمارتوں، سڑکوں اور راستوں کو قومی پرچموں سے سجا دیا گیا ہے۔
تفصیلات کے مطابق یوم آزادی کے دن کا آغاز دارالحکومت اسلام آباد میں توپوں کی سلامی سے ہوگا، وفاقی دارالحکومت میں 31،صوبوں میں 21،21توپوں کی سلامی دی جائے گی۔ شہرشہر نماز فجر کی ادائیگی کے بعد مساجد میں ملکی ترقی وسلامتی اور خوشحالی کےلیے خصوصی دعائیں بھی کی جائیں گی۔
جشنِ آزادی کے 70 سال مکمل ہونے پر واہگہ بارڈر پر خصوصی تقریب منعقد کی گئی جس میں آرمی چیف نے ایشیاء کا سب سے بلند پاکستانی پرچم لہرایا۔
کراچی میں مزار قائد اور لاہور میں علامہ اقبال کے مزارات پر گارڈز کی تبدیلی کی پروقار تقاریب منعقد کی جائیں گی، اس کے علاوہ ملک بھر کے تعلیمی اداروں میں جشن آزادی کے حوالے سے اسکولوں اور کالجوں میں بھی پرچم کشائی کی تقاریب اور اس کے ساتھ ساتھ رنگا رنگ تقاریب منعقد کی جائیں گی۔
Happy Independence Day #Isb rn pic.twitter.com/sae5BWsFbc
— Itrat Asad (@ItratAsad) August 13, 2017
علاوہ ازیں گھروں میں بچوں،جوانوں اور بوڑھوں کا جوش و خروش توقابل دید ہے۔
چودہ اگست شروع ہوتے ہی ملک بھر میں اس کا شاندار استقبال کیا گیا ملک بھر میں آتش بازی کی گئی جن کی وجہ سے آسمان روشن ہوگیا، کراچی سمیت ملک بھر میں اہم عمارتوں کو برقی قمقوں سے سجایا گیا جبکہ مزارِ قائد اور بحریہ ٹاؤن میں چودہ اگست کا شاندار استقبال کیا گیا۔
Whoever did fireworks at #JauharChowrangi please know they were beautiful and thank you! Also #perfumechowk pic.twitter.com/f9YTEkyUul
— Aisha (@HariMirchein) August 13, 2017
لاہور کے مینار پاکستان جبکہ روالپنڈی کے لیاقت باغ میں شاندار آتش بازی کی گئی۔
اے آئی وائی ڈیجیٹل کے سی ای اور سلمان اقبال نے جشن آزادی کے موقع پر قوم کو مبارک باد پیش کی۔
— Salman Iqbal ARY (@Salman_ARY) August 13, 2017
