اسلام آباد: صدر ممنون حسین کا کہنا ہے کہ پاکستان اورچین عالمی اموریریکساں نکتہ نظررکھتےہیں اورچین پاکستان کا تعلق خطے میں استحکام کی ضمانت ہے۔

تفصیلات کے مطابق اسلام آباد کے کنونشن سینٹر میں پرچم کشائی کی مرکزی تقریب منعقد ہوئی جہاں صدر پاکستان ممنون حسین نے قومی پرچم لہرایا۔

پرچم کشائی کی مرکزی تقریب میں وزیراعظم شاہد خاقان عباسی اور مہمان خصوصی چین کے نائب وزیراعظم وانگ یانگ، چیئرمین سینٹ، اسپیکر قومی اسمبلی،وفاقی وزرا، مسلح افواج کے سربراہ، اراکین پارلیمنٹ، سفارتی نمائندے اورسینئر حکام نے شرکت کی۔

صدرِ ممنون حسین کا خطاب

صدر ممنون حسین نے کنونشن سینٹر میں پرچم کشائی کی مرکزی تقریب سے خطاب میں پوری قوم کو یوم آزادی کی مبارکباد دیتے ہوئے دعا کی یہ پرچم یوں ہی ہمیشہ سر بلند رہے۔

انہوں نے حکومت اورپاکستانی قوم کی جانب سےچینی وفدکاخیرمقدم کرتےہوئے کہا کہ پاکستان اورچین عالمی اموریریکساں نکتہ نظررکھتےہیں اور چین پاکستان کا تعلق خطے میں استحکام کی ضمانت ہے۔

صدر مملکت ممنون حسین نے کہا کہ آزادی کی تقریبات میں چین کے اعلیٰ وفد کی شرکت خوشی کا باعث ہے۔

ملک بھرمیں یوم آزادی ملی جوش و جذبے سے منایا جارہا ہے

صدر ممنون حسن نے تقریب سے خطاب کرتے ہوئے کہا کہ قومی مستقبل کےبارے میں مایوسی درست نہیں، انہوں نے کہا کہ ہمیں جائزہ کرنا ہے کہ 70سال میں ہماری کارکردگی کیسی رہی۔

صدر مملکت نے کہا کہ کچھ حلقوں نے موجودہ حکومت سے متعلق سوالات اٹھائے گئے ہیں۔ انہوں نے کہا معاملات کوسیاق وسباق سے ہٹ کر دیکھنے کے بجائے درست تناظر میں دیکھا جائے۔

صدر پاکستان نے کہا کہ جلد بازی میں نئی راہ اختیار کرنے کے بجائے ماضی سے سبق سیکھاجائے،نوجوانوں کی بے چینی پر توجہ دینا وقت کی ضرورت ہے۔

انہوں نے کہا کہ قومی معاملات پرغوروفکر سے مسائل کا حل نکالاجاسکتا ہے،ہماری قوم کا مزاج جمہوری اور پارلیمانی ہے۔

صدر ممنون حسین نے اپنے خطاب کے اختتام پرکہا کہ ملک کی ترقی وخوشحالی کے لیےاختلافات بھلا کر سب متحد ہوجائیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔