سرینگر: بھارت کے زیر تسلط مقبوضہ کشمیر میں پاکستان کا جشن آزادی بھرپور طریقے سے منایا گیا۔ سرینگر میں نوجوانوں نے ریلی نکالی۔ دختران ملت کی چیئر پرسن آسیہ انداربی نے پاکستان کا جھنڈا لہرایا۔
تفصیلات کے مطابق بھارتی فورسز کا تسلط اور ظلم و سمت کشمیریوں کی پاکستان سے محبت کو کم نہ کرسکا۔ سرینگر میں کشمیری نوجوانوں نے پاکستان کے حق میں ریلی نکالی۔
دختران ملت کی چیئر پرسن آسیہ اندرابی نے بھی تقریب کا اہتمام کیا اور پاکستان کا جھنڈا لہرایا۔
پاکستان کی یوم آزادی کے موقع پر حریت رہنما سید علی گیلانی نے اپنے پیغام میں کہا کہ 1947 سے اخلاقی، سیاسی اور سفارتی تعاون پر پاکستان کے شکر گزار ہیں۔ مستحکم پاکستان کشمیر کے مسئلے کے حل کے لیے انتہائی ضروری ہے۔
کل بھارت کے یوم آزادی پر حریت رہنماؤں نے مکمل ہڑتال کی کال دی ہے۔ کل مقبوضہ وادی میں یوم سیاہ منایا جائے گا۔
