واشنگٹن : ٹرمپ انتظامیہ کی جانب سے آج پاک افغان پالیسی کوحتمی شکل دئیے جانے کا امکان ہے، نئی پالیسی میں پاکستان پرممکنہ سخت شرائط عائد ہوسکتی ہیں ۔

تفصیلات کے مطابق امریکی صدر ٹرمپ کی زیرصدارت پاکستان اورافغانستان سے متعلق پالیسی پراہم اجلاس ہوگا، اجلاس میں امریکا کی پاک افغان پالیسی کا جائزہ لیا جائے گا، امریکی محکمہ خارجہ، پینٹاگون اور سی آئی اے کے حکام بریفنگ دیں گے۔

امریکی میڈیا کے مطابق صدرڈونلڈ ٹرمپ آج قومی سیکورٹی ٹیم سے ملاقات کریں گے، ملاقات میں پاک افغان پالیسی کوحتمی شکل دئیے جانے کا امکان ہے، نئی پالیسی میں پاکستان پرممکنہ سخت شرائط عائد ہوسکتی ہیں۔

مزید پڑھیں :  ٹرمپ نےافغانستان میں امریکی فوج کی تعداد بڑھانے کی اجازت دے دی

ملاقات میں افغانستان سے امریکی فوج کے انخلا کے آپشن،افغانستان میں امریکی فوجیوں کی تعداد بڑھانے اورافغان طالبان کومذاکرات کی دعوت دینے پربھی غورکیا جائیگا، پاک افغان پالیسی کا اعلان جلد متوقع ہے۔

خیال رہے کہ ٹرمپ انتظامیہ کی یہ پہلی پاک افغان پالیسی ہوگی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments