کراچی : ڈی جی رینجرز سندھ میجر جنرل محمد سعید نے کہا ہے کہ کراچی میں دہشت گردی، ٹارگٹ کلنگ، بھتہ خوری کے واقعات میں نمایاں کمی آئی ہے جس کے باعث تاجروں اور صنعتکاروں کا اعتماد بحال ہوا ہے۔
تفصیلات کے مطابق ڈی جی رینجرزسندھ میجر جنرل محمد سعید نے کراچی چیمبرآف کامرس کا دورہ کیا، کے سی سی آئی کے عہدیداران کی دعوت پر ظہرانے میں شرکت کی۔
ترجمان رینجرز کے مطابق تقریب سے خطاب کرتے ہوئے ڈی جی رینجرز نے کہا کہ شہر قائد میں امن وامان کے قیام سے معاشی استحکام پیدا ہوا ہے، صنعت کاروں کا اعتماد بحال ہوا۔
- Advertisement -
مزید پڑھیں: لیاری میں دہشتگردوں کا کوئی نام لیوا نہیں، ڈی جی رینجرز
ان کا کہنا تھا کہ اوورسیز پاکستانیوں کےاعتماد کی بحالی کیلئے مزید اقدامات کر رہے ہیں، اس موقع پرانڈسٹری ممبران نے کراچی میں قیام امن کیلئے سندھ رینجرز کے اقدامات کو سراہا، انڈسٹری ممبران نے ڈی جی رینجرز کو اپنے مکمل تعاون کی یقین دہانی بھی کرائی۔
مزید پڑھیں: کراچی سے اسٹریٹ کرائم کا خاتمہ کردیں گے، ڈی جی رینجرز
