راولپنڈی/ پشاور/ لاہور/ کراچی: اینٹی نارکوٹکس فورس نے ملک کے مختلف شہروں کے تعلیمی اداروں میں کارروائی کرکے چھ کلو سے زائد منشیات برآمد کر کے بیس ملزمان کو گرفتار کرلیا۔
تفصیلات کے مطابق تعلیمی اداروں میں منشیات فروشی کی روک تھام کیلئے مؤثر اقدامات کا آغاز کردیا گیا ہے، اس سلسلے میں اینٹی نارکوٹکس فورس نے راولپنڈی، پشاور،لاہوراورکراچی کے مختلف تعلیمی اداروں میں کامیاب کارروائیاں کی ہیں۔
ترجمان اےاین ایف کا کہنا ہے کہ چھاپہ مار ٹیموں نے مختلف تعلیمی اداروں میں کی گئی17کارروائیوں میں20منشیات فروشوں کو گرفتارکرکے ان کے قبضے سے604کلو منشیات برآمد کرلی، قبضےمیں لی گئی۔
برآمد ہونے والی منشیات کی عالمی مارکیٹ میں قیمت 7 ارب روپے ہے، ترجمان کے مطابق ڈی جی اے این ایف کی ہدایت پرتعلیمی اداروں میں چیکنگ جاری ہے، اےاین ایف نے مزید تعلیمی اداروں کیلئے خصوصی ٹیمیں تشکیل دے دیں۔
