پشاور: ڈاکٹر میں بھی ڈینگی وائرس کی تشخیص کا انکشاف

پشاور: خیبر پختونخوا میں مسیحا بھی ڈینگی کی زدمیں آگئے۔ خیبرٹیچنگ اسپتال کے ایک ڈاکٹر میں بھی وائرس کی تشخیص ہوگئی۔ مرض سے ہلاکتوں کی تعداد سات ہوچکی ہے، پشاورکے نجی اورسرکاری اسکولوں میں زیرو ڈینگی پریڈ ہوگی۔

تفصیلات کے مطابق ڈینگی نے پشاور میں اپنے پنجے گاڑ لیے، خطرناک مچھر کے وار سے ڈاکٹرز بھی نہ بچ سکے۔ پشاورخیبر ٹیچنگ اسپتال کے ڈاکٹر شاہ فیصل میں ڈینگی وائرس کی تصدیق ہوگئی ہے۔

اسپتال انتظامیہ کا کہنا ہے کہ ڈاکٹرشاہ فیصل کو آئسولیشن وارڈ منتقل کردیا گیا ہے، ڈپٹی کمشنر پشاور کے مطابق شہر میں ڈینگی سے اب تک سات اموات ہوچکی ہیں، تین ایمرجنسی موبائل یونٹ متاثرہ علاقوں میں کام کررہے ہیں۔

مزید پڑھیں: عمران خان نے ڈینگی متاثرہ لوگوں کو تنہا چھوڑ دیا، سعد رفیق

ڈی سی پشاور کہنا تھا کہ ہفتے کو نجی وسرکاری تعلیمی اداروں میں زیرو ڈینگی پریڈ ہوگی، ڈینگی کنٹرول کے لئے مائیکرو پلانٹ بنایا گیا ہے۔

مزید پڑھیں: ڈینگی کی علامات سے باخبر رہیں

Comments