نئی دہلی : بھارت کی ریاست ہریانہ اور پنجاب میں کل سے اب تک بلوائیوں کا راج ہے، زیادتی کیس میں مجرم قرار پانے والے گرو گرمیت رام کے حامیوں نے سرکاری املاک اور میڈیا کی گاڑیوں کو آگ لگادی، ہنگاموں میں اب تک اکتیس افراد ہلاک ہوگئے، پولیس کے بعد بھارتی فوج بھی صورتحال قابو کرنے میں ناکام ہوگئی۔
تفصیلات کے مطابق گزشتہ روز بھارتی عدالت کی جانب سے مذہبی رہنما گرو گرمیت سنگھ کو خواتین کے ساتھ ذیادتی کا مجرم قرار دینے کے اور اس کی گرفتاری کے بعد گرو کے چیلے، شیطان کے چیلے بن گئے۔
ہنگامہ آرائی میں اب تک اکتیس افراد جان کی بازی پار چکے ہیں جبکہ زخمیوں کی تعداد سینکڑوں میں ہے پولیس نے متعدد افراد کو گرفتار بھی کرلیا ہے، لیکن حالات اس کے قابو سے اب تک باہر ہیں۔
مشتعل افراد نے ٹی وی چینلز کی گاڑیوں کو آگ لگادی، سرکاری املاک کو تباہ و برباد کردیا، پرتشدد واقعات میں اب تک31افراد کی ہلاکت کی اطلاعات ہیں، مار کاٹ ،جلاؤ گھیراؤ ،ہنگامہ آرائی کے سامنے بے بس ہوگئی، گرو کے چیلوں کے آگے بھارتی فوج کی بھی ایک نہیں چل رہی۔
واضح رہے کہ گرو گرمیت رام گزشتہ پندرہ سال سے بابا گیری کرتے ہوئے قتل اور زیادتی کے مقدمات میں ملوث رہا ہے، عدالت میں جرم ثابت ہوا تو پاپی گرو کے چیلے سڑکوں پر نکل آئے اور تباہی مچادی۔
مزید پڑھیں: بھارتی مذہبی رہنما پر جرم ثابت، ہنگامہ آرائی، درجنوں ہلاک،
چمکتے دمکتے کپڑے پہننے والے’’راک اسٹار گرو‘‘کرکٹ، فٹبال کھیلتے تو کبھی ہیوی بائیک چلاتے دکھائی دیتے ہیں۔ اس کے علاوہ وہ اداکاری، ہدایتکاری اور گلوکاری کے بھی شوقین ہیں، گرو گرمیت رام کو خواتین کی عزتیں پامال کرنے کا مجرم قرار پانے پرحراست میں لے لیا گیا ہے، سزا کا اعلان پیر کوسنایا جائیگا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
