ملک بھر میں عید الاضحیٰ مذہبی جوش و جذبے سے منائی جا رہی ہے

ملک بھر میں عید الاضحیٰ مذہبی جوش و جذبے سے منائی جا رہی ہے۔ نماز عید کے بعد فرزندان اسلام سنت ابراہیمی کی ادائیگی میں مصروف ہیں۔

تفصیلات کے مطابق آج ملک بھر میں عید الاضحیٰ مذہبی جوش و خروش سے منائی جارہی ہے۔ عید گاہوں میں نماز عید کے بڑے بڑے اجتماعات ہوئے۔

نماز عید میں ملک و قوم کی سلامتی و ترقی کے لیے خصوصی دعائیں مانگی گئیں۔

نماز عید کے بعد فرزندان اسلام سنت ابراہیمی کی ادائیگی میں مصروف ہیں۔ خواتین قربانی کے گوشت سے مزے مزے کے پکوان بنا رہی ہیں۔

بچوں کی خوشی بھی دیدنی ہے، کچھ بچے اپنے چہیتے جانور کی قربانی پر اداس بھی ہیں۔

علما کا کہنا ہے کہ عید الاضحیٰ کا پیغام محبت، ایثار قربانی اور خدا کی راہ میں سب کچھ قربان کرنے سے تعبیر ہے۔

Comments