لاہور : جمعیت اہلحدیث کے سربراہ نے لاہور کے حلقہ این اے ایک سو بیس کے ضمنی انتخابات میں مسلم لیگ ن کی حمایت کا اعلان کردیا۔

تفصیلات کے مطابق این اے 120میں انتخابی سرگرمیاں عروج پر پہنچ گئی ہیں، سابق وزیراعظم کی صاحبزادی جمعیت اہلحدیث کے مرکز پہنچی اور جمعیت اہلحدیث کےسربراہ پروفیسر ساجد میر سے ملاقات کی، ملاقات میں پروفیسر ساجد میر نے مریم نواز کو حمایت کا یقین دلایا اور بتایا کہ جمعیت اہلدیث کے کارکنان بیگم کلثوم نواز کی انتخابی مہم چلا رہے ہیں۔

مریم نوازشریف نے حمایت پر پروفیسرساجد میر کا شکریہ ادا کیا اور کہا کہ جمعیت اہلحدیث نے ہمیشہ نواز شریف کا ساتھ دیا ہے۔

یاد رہے کہ گذشتہ روز بھی مریم نواز نے اپنی والدہ کی انتخابی مہم کے سلسلے میں حلقے کے مختلف علاقوں کے دورے کیے، مریم نواز نے منشی ہسپتال ، بند روڈ ، ملک پارک سمیت دیگر علاقوں کا دورہ کیا، مختلف مقامات پر لوگوں کی بڑی تعداد نے مریم نواز کا استقبال کیا۔

سخت سیکورٹی میں مریم نواز شریف کے ہمراہ وزیر مملکت برائے داخلہ طلال چوہدری ، رکن پنجاب اسمبلی عظمی زاہد بخاری حنا پرویز بٹ بھی الیکشن کمیشن کی جانب سے پا بندی کے باوجود انتخابی مہم میں شریک رہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments