اسلام آباد : مریم ، حسن، حسین اور کیپٹن (ر) صفدر کو وطن واپسی پر گرفتار کرنے کا فیصلہ کرلیا گیا، نیب آئندہ سماعت پر ملزمان کو اشتہاری قرار دینے کی درخواست دائر کرے گی۔
تفصیلات کے مطابق پاناما لیکس مقدمے میں ملوث سابق اور نااہل وزیر اعظم نواز شریف کے بچوں مریم، حسن، حسین اور داماد کیپٹن (ر) صفدر کو لندن سے وطن واپسی پر گرفتار کرنے کا فیصلہ کیا گیا ہے۔
نیب ذرائع کے مطابق تینوں ملزمان کی گرفتاری کے لیے تمام قانونی مراحل کو پورا کیا جائے گا، آئندہ سماعت پر نیب ملزمان کو اشتہاری قراردینےکی درخواست دائر کرے گی۔
مزید پڑھیں: احتساب عدالت، نوازشریف کے بچوں کےناقابلِ ضمانت وارنٹ جاری
یاد رہے کہ نیب عدالت نے حسین نواز، حسن نواز،مریم صفدر اور کیپٹن(ر) صفدر کو طلب کررکھا تھا، احتساب عدالت میں عدم پیشی پرعدالت ملزمان کو گرفتار کرکے پیش کرنے کا واضح حکم پہلے ہی دے چکی ہے۔
مزید پڑھیں: احتساب عدالت، نوازشریف پیش ہونگے، بچے اور داماد نہیں، ذرائع
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
