اوسلو : جوہری ہتھیاروں کے خاتمے کیلئے جدوجہد کرنے والی عالمی مہم آئی سی اے این نے امن کانوبل انعام جیت لیا۔
تفصیلات کے مطابق ناورے کی نوبل امن کمیٹی اس سال کا امن نوبل انعام پانے والے کا اعلان کردیا ،اس برس امن کا نوبل انعام جوہری ہتھیاروں کے خاتمے کیلئے چلائی جانے والی ایک بین الاقوامی مہم آئی سی اے این کے نام رہا ۔
BREAKING NEWS The 2017 Nobel Peace Prize is awarded to the International Campaign to Abolish Nuclear Weapons (ICAN) @nuclearban #NobelPrize pic.twitter.com/I5PUiQfFzs
— The Nobel Prize (@NobelPrize) October 6, 2017
ناورے کی نوبل کمیٹی کی جانب سے جاری کردہ بیان کے مطابق جوہری ہتھیاروں کے خاتمے کیلئے چلائی جانے والی اس بین الاقوامی مہم آئی سی اے این کے تحت جوہری ہتھیاروں کے استعمال سے ہونے والے تباہ کن اثرات کی جانب توجہ دلائی گئی۔
نوبل کمیٹی نے امن کا نوبل انعام دینے کا اعلان کرتے ہوئے کہا، طویل عرصے بعد ایک بار پھر دنیا میں جوہری ہتھیاروں کے استعمال کا خطرہ بڑھ گیا ہے، کچھ ممالک ہیں جو اپنے جوہری ہتھیاروں کو جدید بنا رہے ہیں، جس کی مثال شمالی کوریا بھی ہے۔
اس سے قبل کہا جارہا تھا کہ اس سال نوبل انعام شامی رضا کار تنظیم ’وائٹ ہیلمٹ‘ کو دیا جانے کا امکان ہے جبکہ ایسے امکانات بھی تھے کہ یہ انعام ایرانی وزیر خارجہ محمد جواد ظریف اور یورپی یونین کے خارجہ امور کی سربراہ فیڈریکا موگرینی کو دیا جا سکتا ہے کیونکہ دونوں نے ایران اور عالمی طاقتوں کے مابین جوہری ڈیل ممکن بنانے میں اہم کردار ادا کیا تھا۔
امن کا نوبل انعام جیتنے کے بعد آئی سی اے این کی جانب سے بیان میں کہا گیا کہ جوہری ہتھیاروں کے خاتمے کے لیے ہماری جدوجہد پر امن کا نوبل انعام ہمارے لیے عزت کا باعث ہے۔
WORLD EXCLUSIVE: THE NOBEL PEACE PRIZE CALL FROM OSLO!
Listen to when Executive Director of ICAN Beatrice Fihn receives the news #NobelPrize pic.twitter.com/UyjH7NK8My— The Nobel Prize (@NobelPrize) October 6, 2017
خیال رہے دنیا بھر سے جوہری ہتھیاروں کے خاتمے کی عالمی مہم آئی سی اے این دنیا کے 100ممالک سے تعلق رکھنے والی غیر سرکاری تنظیموں کے اتحاد کا نام ہے۔
