اسلام آباد : نا اہل وزیراعظم نوازشریف کی صاحبزادی مریم نواز کا کہنا ہے کہ والدہ کو دوبارہ اسپتال منتقل کردیا گیا، دعاؤں کی اپیل ہے۔
تفصیلات کے مطابق سماجی رابطے کی ویب سائٹ ٹویٹر پر سابق وزیراعظم میاں محمد نوازشریف کی بیٹی مریم نوازنے اپنے پیغام میں کہا کہ والدہ کو دوبارہ اسپتال منتقل کردیا گیا۔ انہوں نے عوام سے دعاؤں کی اپیل کی ہے۔
Ami is hospitalised again. Earnest request for prayers. https://t.co/3ufycfsDzF
— Maryam Nawaz Sharif (@MaryamNSharif) October 24, 2017
خیال رہے کہ دو روز قبل نا اہل وزیراعظم نوازشریف کی اہلیہ کلثوم نواز کو طبعیت ناساز ہونے پر لندن کے نجی اسپتال منتقل کردیا تھا۔ بیگم کلثوم نواز کی طبعیت کیمو تھراپی کے پہلے سیشن کے بعد سے ہی خراب تھی۔
کلثوم نوازکی پہلی کیمو تھراپی مکمل، دعاؤں پر قوم کے شکرگذار ہیں، مریم نواز
ڈاکٹرز کا کہنا ہے کہ کلثوم نواز کی طبعیت میں بہتری آنے سے قبل کیمو تھراپی کا دوسرا سیشن نہیں کیا جائے گا۔
کلثوم نواز گلے کے کینسر میں مبتلا
یاد رہے کہ سابق وزیراعظم نوازشریف کی اہلیہ کلثوم نواز کینسر کے مرض میں مبتلا ہیں اور کزشتہ کئی ہفتوں سے لندن میں زیرعلاج ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
