کیا آپ نے کبھی سوچا ہے کہ آپ فضائی سفر کر رہے ہوں، اور آپ کو دوران پرواز کھانے کے ساتھ سام سنگ گلیکسی نوٹ 8 کا موبائل بھی دیا جائے؟ یقیناً آپ پہلے حیران و پریشان اور پھر خوش ہوجائیں گے۔
ایسا ہی کچھ واقعہ اسپین کی ایئر لائن میں پیش آیا جب ایک فضائی سفر کے دوران تمام مسافروں کو طعام کے ساتھ سام سنگ گلیکسی نوٹ 8 کا موبائل بھی تحفتاً دیا گیا۔
مسافروں کے لیے اس تحفے کا انتظام دراصل سام سنگ موبائل کمپنی نے کیا۔
آپ کو یاد ہوگا کہ کچھ عرصہ قبل سام سنگ کے نوٹ سیریز کے موبائل فون میں بیٹریز پھٹنے، موبائل فون میں آگ لگنے اور اس باعث لوگوں کے جھلسنے کے واقعات پیش آرہے تھے۔
مزید پڑھیں: پاکستان میں سام سنگ نوٹ 4 میں آگ لگنے اور پھٹنے کا واقعہ
سام سنگ نے بیٹری میں نقص آنے کے بعد نوٹ 7 کی فروخت روک دی تھی اور دنیا بھر سے فون درست کرنے کے لیے واپس بھی منگوائے تھے۔ مجموعی طور پر کمپنی نے 25 لاکھ فونز واپس منگوائے تھے۔
تاہم اب لوگوں میں نوٹ سیریز سے متعلق بیٹھے ہوئے خوف کو دور کرنے اور نوٹ 7 کی ناکامی کے اثر کو زائل کرنے کے لیے سام سنگ نے اسپین کی ائیر لائن کے فضائی مسافروں کو نوٹ 8 کا تحفہ دیا۔
Esta mañana, ¡sorpresa a bordo! Así han recibido nuestros pasajeros los nuevos #Note8abordo de @SamsungEspana ✈️ https://t.co/W8lQ1sPZ1O pic.twitter.com/w181IZ64Uj
— Iberia (@Iberia) October 23, 2017
مسافر اپنے کھانوں کی ڈشز میں نوٹ 8 فون دیکھ کر حیران رہ گئے اور بے حد خوش بھی ہوئے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
