برازیلیا: برازیل کے شہر ریو ڈی جنیرو میں ایک تھیٹر کے فنکار تنخواہیں وقت پر نہ ملنے کے باعث احتجاجاً سڑکوں پر نکل آئے اور اس وقت ان کا احتجاج مزیدار رنگ اختیار کرگیا جب انہوں نے نعرے لگانے اور توڑ پھوڑ کرنے کے بجائے ناچنا اور گانا شروع کردیا۔
برازیل کے اس انوکھے احتجاج میں بیلے ڈانسر نے خوبصورت ڈانس کرتے ہوئے انتظامیہ تک اپنا پیغام پہنچایا۔ آرکسٹرا پر بجتی دھنوں سے میوزیشن نے اپنا مسئلہ سنایا۔
- Advertisement -
کرتب دکھاتے ہوئے شعبدے بازوں نے بھی تنخواہ نہ ملنے کا اظہار اپنے کرتب کی صورت میں کیا۔
فنکاروں نے تنخواہیں وقت پر نہ ملنے پر اپنا احتجاج تو انتظامیہ کو ریکارڈ کروا دیا، تاہم اس احتجاج کے دوران شہریوں کے مزے آگئے اور انہوں نے اس مفت کنسرٹ سے خوب لطف اٹھایا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
