برطانیہ میں ایک کتے کے کان کے اندر تکلیف دہ زخم پیدا ہوگیا جو حیرت انگیز طور پر امریکی صدر ڈونلڈ ٹرمپ سے مشابہہ ہے۔
برطانیہ کے ایک چھوٹے سے قصبے جیرو میں 25 سالہ جیڈ روبنسن نامی شخص کا کہنا ہے کہ اس کے کتے کے کان اندر ایک سوزش زدہ زخم ہے جو امریکی صدر ٹرمپ کی صورت سے مشابہہ ہے۔
اس کا کہنا ہے کہ اس کے کتا بہت شرارتی ہے اور نئی نئی خوشبوئیں سونگھنے کا شوقین ہے لہٰذا وہ ہر وقت زمین پر مختلف خوشبوئیں سونگھتا رہتا ہے یہی وجہ ہے کہ اس کے کانوں کے اندر بے تحاشہ دھول مٹی جمع ہوگئی۔
یہ دھول مٹی بالآخر ایک تکلیف دہ زخم کی صورت اختیار کر گئی اور اب اسے آپریٹ کیا جانا ضروری ہے۔
رابنسن کا کہنا ہے کہ کتے کے علاج کے لیے اس کے پاس رقم نہیں لہٰذا وہ اس کے لیے چندہ جمع کر رہا ہے تاکہ کتے کو ڈاکٹر کے پاس لے جاسکے اور اس کے مرض کی درست تشخیص کر کے اس کا علاج کیا جاسکے۔
مزید پڑھیں: ڈونلڈ ٹرمپ کا 700 سال قدیم مجسمہ
رابنسن کے مطابق اس سے قبل جب انہوں نے اپنے ایک دوست کو کتے کا یہ زخم دکھایا تو اس نے نشاندہی کی یہ زخم حیرت انگیز طور پر ڈونلڈ ٹرمپ کی صورت سے مشابہہ ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
