راولپنڈی : کور کمانڈر لاہور لیفٹیننٹ جنرل عامر ریاض نے جہلم فیلڈ فائرنگ رینجز کا دورہ کیا اور مشقوں کا جائزہ لیا۔
پاک فوج کے شعبہ تعلقات عامہ آئی ایس پی آر کے مطابق کور کمانڈر لاہور لیفٹیننٹ جنرل عامر ریاض نے جہلم فیلڈ فائرنگ رینجز کا دورہ کیا اور وہاں جاری مشقوں کا جائرہ بھی لیا۔
آئی ایس پی آر کے مطابق یہ مشقیں پاک فوج کے سرد موسم میں تربیتی پروگرام کا حصہ ہیں اور ہرسال ناہموار علاقوں میں جنگی زون بنا کر مشقیں کی جاتی ہیں۔
اس موقع پر کور کمانڈر لاہور لیفٹیننٹ جنرل عامر ریاض نے جوانوں کےعزم وحوصلے کی تعریف کی اور کہا کہ پیشہ ورانہ تیاریوں میں بہتری جاری رہنی چاہیے۔
خیال رہے کہ گزشتہ روز سیکیورٹی فورسزکی ڈی آئی خان کےعلاقے کلاچی میں کارروائی کے دوران پاک فوج کے افس میجراسحاق شہید ہوگئے تھے۔
ہم مادروطن سےمحبت کی قیمت چکارہےہیں، یہ قربانیاں رائیگاں نہیں جائیں گی، ڈی جی آئی ایس پی آر
واضح رہے کہ ڈی جی آئی ایس پی آر میجرجنرل آصف غفور کا کہنا تھا کہ مادروطن کی محبت کی یہ قیمت چکا رہے ہیں، یہ قربانیاں رائیگاں نہیں جائیں گی۔
گر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
