یہ بات کئی تحقیقات کے بعد اب مصدقہ ہوچکی ہے کہ اسمارٹ فونز کا سونے سے قبل استعمال ہماری آنکھوں پر نہایت خطرناک اثر ڈالتا ہے اور یہ نظر کی دھندلاہٹ، آنکھوں کا خشک ہونا، گردن، کمر اور سر درد کا سبب بنتا ہے۔ علاوہ ازیں اسمارٹ فونز کی نیلی روشنی ہماری نیند کو بھی متاثر کرتی ہے۔
تاہم اب سائنسدانوں نے ایسی الارم گھڑی ایجاد کرلی ہے جو جگانے کے ساتھ ساتھ سلانے میں بھی مدد دے گی۔
سرکا نامی یہ اسمارٹ الارم اپنے اندر بے شمار فیچرز رکھتا ہے۔ شام کے وقت یہ دھیمی موسیقی بجا کر آپ کی سانس اور دل کی دھڑکن کو معمول کی حالت پر لے آتا ہے اور دماغ کو پرسکون کرتا ہے۔
رات کے وقت یہ الارم بالکل سیاہ ہوجاتا ہے۔
اس کا سب سے حیرت انگیز فیچر اس میں لگے سینسرز ہیں۔ گدے کے نیچے رکھے جانے والا یہ الارم آپ کے جسم کی حرکت، دل کی دھڑکن اور سانسوں کی رفتار سے آپ کی نیند کا اندازہ کرتا ہے اور اسی وقت آپ کو جگاتا ہے جب آپ کم گہری نیند میں ہوں۔
ساتھ ساتھ آپ کے اٹھنے کے وقت یہ ایک بار پھر مدھم موسیقی بجانا شروع کردیتا ہے۔
اس الارم کو آپ اپنے کمرے کی روشنیوں سے بھی منسلک کرسکتے ہیں جس کے بعد آپ کے جاگنے کے بعد وہ خودبخود کمرے کی روشنیاں کھول دے گا اور آپ کی نیند بھاگ جائے گی۔
ماہرین کا کہنا ہے کہ یہ اسمارٹ الارم کلاک نیند کے مسائل شکار بہت سے افراد کے لیے نہایت مددگار ثابت ہوسکتی ہے۔
#Circa — a stand-alone smart #alarm that helps you sleep pic.twitter.com/CNu4aQByG0
— Anees Hanif (@anees_avis) November 30, 2017
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
