22.3 C
Ashburn
اتوار, مئی 26, 2024
اشتہار

گوگل کا پاکستان میں جدید تعلیم کے فروغ کیلئے بڑا اعلان

اشتہار

حیرت انگیز

دنیا بھر کی سب سے بڑی اور معروف ٹیکنالوجی کمپنی گوگل کی جانب سے پاکستان میں جدید تعلیم کے فروغ کیلئے بہت اہم اعلان کیا گیا ہے۔

تفصیلات کے مطابق انفارمیشن ٹیکنالوجی کی سب سے بڑی امریکی کمپنی گوگل نے وفاقی دارالحکومت اسلام آباد میں 50 اسمارٹ اسکول قائم کرنے کا منصوبہ بنایا ہے۔

اس حوالے سے ذرائع کا کہنا ہے کہ یہ اسمارٹ اسکولز 30ہزار گوگل فار ایجوکیشن آئی ڈیز سے لیس ہوں گے، جہاں بچوں کو آرٹیفیشنل انٹیلی جنس اور دیگر ڈیجیٹل ٹولز کی تعلیم دی جائے گی۔

- Advertisement -

اس حوالے سے اے آر وائی نیوز کے پروگرام باخبر سویرا میں گوگل کے پاکستان میں عہدیدار عمر فاروق نے شرکت کی اور اس منصوبے سے متعلق ناظرین کو آگاہ کیا۔

انہوں نے بتایا کہ گوگل فار ایجوکیشن ٹیم گزشتہ دو سال سے پاکستان میں کام کررہی ہے، مذکورہ ٹیم نے اپنے پاکستانی پارٹنر ٹیک ویلی کے ساتھ وفاقی سیکریٹری تعلیم سے ملاقات کی اور انہیں پاکستان کے تعلیمی شعبے کے لیے آنے والے منصوبے پیش کیے۔

عمر فاروق نے واضح کیا کہ وفاقی وزارت تعلیم ان اسکولوں کو تعمیر کررہی ہے اور اسکولوں میں تمام تر سامان، اساتذہ کی تربیت اور سہولیات گوگل فراہم کرے گا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں