کراچی : شہر قائد میں فائرنگ اورپرتشدد واقعات میں 2 خواتین سمیت 3 افراد جاں بحق جبکہ پولیس نے شہر کت مختلف علاقوں میں کارروائیاں کرتے ہوئے 2 ملزمان کو گرفتار کرلیا۔
تفصیلات کےمطابق کراچی کےعلاقےسولجر بازار سے گزرتی گاڑی روک کر ڈاکوؤں نے لوٹ مار شروع کی تو کارسوار خاتون نےمزاحمت کی جس پر ڈاکوؤں نے فائرنگ کر کے35 سال کی عنبرین کو موت کےگھاٹ اتاردیا۔
دوسری جانب کراچی کے علاقے لی مارکیٹ کے قریب ہوٹل سے ایک شخص کی لاش ملی ہے۔
ادھرشہرقائد میں حیدری کےعلاقے میں گھر سے خاتون کی لاش ملی ہے، خاتون کوچھریوں کے وار سے قتل کیا گیا ہے۔
پولیس نے ابتدائی تفتیش کے دوران ہی مقتولہ کے دیور کوحراست میں لے لیا، ملزم نفسیاتی مریض معلوم ہوتا ہے۔
کراچی کے علاقے سہراب گوٹھ میں پیٹرول پمپ پرڈکیتی کی کوشش ناکام بنا دی گئی فائرنگ کے تبادلے کے بعد ایک ڈاکو زخمی حالت میں گرفتارکرلیا گیا، ملزم متعدد وارداتوں میں ملوث ہے۔
کراچی: رینجرزاورپولیس کی کارروائیاں‘ 2 ڈاکو ہلاک ‘ 1 گرفتار
یاد رہے کہ گزشتہ روز کراچی میں رینجرزاورپولیس کی کارروائیوں کے دوران 2 ڈاکو ہلاک جبکہ ایک مشتبہ شخص کو حراست میں لے لیا گیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
